Business Idea: केक, बिस्किटं आणि मसाले बनवून व्हा उद्योजक, दिव्यांगांसाठी पुण्यात खास कार्यशाळा!

पुणे: समाजात दिव्यांग व्यक्तींविषयी बोललं की, सहानुभूती, दया आणि वेगळ्या दृष्टीकोनातून त्यांच्याकडे पाहण्याची प्रवृत्ती आजही दिसून येते. मात्र दिव्यांग व्यक्तींच्या गुणांना वाव मिळावा, त्यांच्या हातातील कलेला दिशा मिळावी आणि त्यांना समाजात आत्मनिर्भर बनवावं, या उद्देशाने एरंडवणे परिसरात कार्यरत असलेली ‘सेवासदन दिलासा कार्यशाळा’ गेल्या चार दशकांपासून प्रौढ मानसिक दिव्यांग व्यक्तींसाठी कार्यरत आहे. यातून दिव्यांगाना मानसिक आणि आर्थिक बळ मिळत असून जीवनाला वेगळी दिशा मिळत आहे. याबाबतच कार्यशाळेच्या व्यवस्थापिका मेघना जोशी यांनी लोकल18 सोबत बोलताना माहिती दिलीये.