Gold Silver Price Trend This Week: सोन्या चांदीच्या किंमतीत पुन्हा उलटफेर, या आठवड्यात कसा राहणार ट्रेंड?

Published by:Kranti Kanetkar

Last Updated:Feb 23, 2026 12:46 PM IST

रशिया-युक्रेन युद्ध, डोनाल्ड ट्रम्प यांचा आयात शुल्क वाढवण्याचा निर्णय आणि जागतिक अनिश्चिततेमुळे सोने-चांदीच्या किमतींनी सर्व विक्रम मोडीत काढले आहेत.

Gold Silver Price Trend This Week: सामान्य माणसाने सोन्याचे स्वप्न पाहायचे की नाही, अशी परिस्थिती सध्या निर्माण झाली आहे. रशिया-युक्रेन युद्ध आणि जागतिक व्यापारातील अनिश्चिततेमुळे सोन्या-चांदीने आतापर्यंतचे सर्व रेकॉर्ड मोडीत काढले आहेत. गेल्या आठवड्यातील दरवाढीचा सिलसिला याही आठवड्यात कायम राहण्याचे संकेत मिळत असून, चांदी लवकरच ३.२ लाखांचा टप्पा ओलांडण्याची शक्यता आहे. पाहूयात, जागतिक घडामोडींचा तुमच्या खिशावर नेमका काय परिणाम होणार आहे

गुंतवणुकीसाठी सर्वात सुरक्षित मानल्या जाणाऱ्या सोने आणि चांदीच्या किमतींनी आतापर्यंतचे सर्व विक्रम मोडीत काढले आहेत. गेल्या आठवड्यातील तेजीनंतर, या आठवड्यातही किमतीत मोठी वाढ होण्याची दाट शक्यता वर्तवण्यात आली आहे. अमेरिकेचे राष्ट्राध्यक्ष डोनाल्ड ट्रम्प यांचा 'आयात शुल्क' वाढवण्याचा निर्णय आणि पश्चिम आशियातील युद्धाचे ढग यामुळे गुंतवणूकदारांचा कल पुन्हा एकदा मौल्यवान धातूंकडे वळला आहे.

डोनाल्ड ट्रम्प यांनी जागतिक आयात शुल्कात वाढ करण्याचा निर्णय घेतल्याने जागतिक व्यापार क्षेत्रात मोठी उलथापालथ झाली आहे. आयात शुल्क वाढल्यामुळे आर्थिक विकासाचा वेग मंदावण्याची भीती गुंतवणूकदारांना वाटत आहे. अशा अस्थिर काळात शेअर बाजारापेक्षा सुरक्षित मानल्या जाणाऱ्या सोने आणि चांदीमध्ये गुंतवणूक वाढली आहे, ज्याचा थेट परिणाम किमती वाढण्यावर होत आहे.

मल्टी कमोडिटी एक्सचेंजवरील कल पाहता तज्ज्ञांनी असा अंदाज वर्तवला आहे. सध्या १० ग्रॅम सोन्याचा दर १.५ लाख ते १.६ लाखांच्या दरम्यान फिरत आहे. मात्र, जागतिक तणाव पाहता हा दर लवकरच १ लाख ६१ हजार रुपयांच्या पुढे जाण्याची शक्यता आहे. चांदीच्या किमतीत गेल्या आठवड्यात ३.५ टक्क्यांनी वाढ झाली आहे. सध्या २.९० लाखांवर असलेली चांदी लवकरच ३.२ लाखांचा टप्पा ओलांडू शकते.

रशिया-युक्रेन आणि पश्चिम आशियातील युद्धामुळे अनिश्चितता वाढली आहे. आयात शुल्कातील वाढीमुळे जागतिक व्यापारात अस्थिरता निर्माण झाली आहे. अमेरिकेतील कमकुवत आर्थिक आकडेवारीमुळे सोन्याला बळकटी मिळत आहे. शेअर बाजार कोसळण्याच्या भीतीने गुंतवणूकदार सोन्याकडे वळत आहेत. चीनसह इतर देशांच्या मध्यवर्ती बँकांनी व्याजाबाबत घेतलेले निर्णय.

सोन्याच्या किमतीत सातत्याने होणाऱ्या वाढीमुळे लग्नसराईच्या काळात दागिन्यांची खरेदी करणे कठीण झाले आहे. गेल्या आठवड्यात सोन्याच्या दरात सुमारे १००० रुपयांची, तर चांदीमध्ये मोठी वाढ नोंदवण्यात आली होती. आंतरराष्ट्रीय बाजारपेठेतील घडामोडींमुळे किरकोळ बाजारातही रोज नवे भाव पाहायला मिळत आहेत.

view comments