कितीही इच्छा असली तरी 'या' 3 राशीच्या लोकांनी कधीही वापरू नये सोनं, अन्यथा ही चूक पडू शकते महागात!

भारतीय संस्कृतीत सोन्याला केवळ दागिना न मानता समृद्धी आणि मांगल्याचे प्रतीक मानले जाते. ज्योतिषशास्त्रानुसार, सोने हे 'गुरु' ग्रहाचे प्रतिनिधित्व करते. गुरु हा भाग्य, ज्ञान आणि धनाचा कारक आहे.

मात्र, ज्याप्रमाणे प्रत्येक औषध प्रत्येकासाठी गुणकारी नसते, त्याचप्रमाणे सोने परिधान करणे प्रत्येक राशीसाठी शुभ नसते. ज्योतिषीय गणनेनुसार, तीन राशींच्या लोकांसाठी सोने परिधान करणे प्रगतीत अडथळे निर्माण करू शकते.

या राशींच्या स्वामी ग्रहांचा गुरु ग्रहाशी असलेला शत्रूभाव किंवा समतोल बिघडल्यामुळे सोन्याचे दागिने घातल्यास फायद्याऐवजी नुकसान होण्याची शक्यता असते.

सोने शरीरातील उष्णता वाढवते आणि गुरु ग्रहाची ऊर्जा सक्रिय करते. जर तुमच्या कुंडलीत गुरु ग्रह अशुभ स्थानी असेल किंवा तुमच्या राशीच्या स्वामीशी त्याचे वैर असेल, तर सोने परिधान केल्याने मानसिक अशांती आणि आर्थिक चणचण भासू शकते. अशा व्यक्तींनी सोन्याऐवजी चांदी किंवा हिरा परिधान करणे अधिक श्रेयस्कर मानले जाते.

वृषभ - आर्थिक नुकसानीची भीती: वृषभ राशीचा स्वामी 'शुक्र' आहे. ज्योतिषशास्त्रानुसार शुक्र आणि गुरु यांच्यात विरोधाभास आहे. वृषभ राशीच्या व्यक्तींनी सोने परिधान केल्यास त्यांच्या उत्पन्नापेक्षा खर्च जास्त वाढू शकतो. आर्थिक गुंतवणूक करताना चुका होऊ शकतात, ज्यामुळे मोठे आर्थिक नुकसान सोसावे लागते.

मिथुन - अस्थिरता आणि धनहानी: मिथुन राशीचा स्वामी 'बुध' आहे. या राशीसाठी गुरुची ऊर्जा अनेकदा संघर्षाची ठरते. सोने परिधान केल्यामुळे मिथुन राशीच्या लोकांच्या आयुष्यात चढ-उतार वाढतात. नोकरी किंवा व्यवसायात स्थिरता मिळत नाही आणि कमावलेला पैसा हातात टिकत नाही.

मकर - निर्णयक्षमतेवर परिणाम: मकर राशीचा स्वामी 'शनी' आहे. शनी आणि गुरु यांच्यातील संबंध समतोल राखणारे नसतील तर समस्या उद्भवतात. या राशीच्या व्यक्तींनी सोने घातल्यास त्यांची निर्णयक्षमता कमकुवत होऊ शकते. कामात विनाकारण अडथळे येणे आणि संघर्षाचा काळ लांबणे, असे परिणाम दिसून येतात. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)