FD वर मिळतंय सर्वाधिक व्याज, SBI देतेय चान्स; फक्त 3 महिनेच मिळेल संधी
- Published by:Mohini Vaishnav
Last Updated:
सामान्य स्किमच्या तुलनेत जास्त व्याज ऑफरकरणारी एसबीआयची ही स्किम केवळ काही दिवसच सुरु आहे. पाहूया किती दिवस सुरु असेल.
मुंबई : भारतातील सर्वात मोठी सार्वजनिक क्षेत्रातील बँक 'स्टेट बँक ऑफ इंडिया (SBI)' ची अमृत वृष्टी मुदत ठेव योजना मार्च महिन्यापर्यंतच सुरू आहे. या योजनेत बँकेच्या नियमित एफडी योजनेपेक्षा जास्त व्याजदर दिले जात आहेत. ही मर्यादित कालावधीची योजना 16 जुलै 2024 रोजी सुरू करण्यात आली होती, जी 31 मार्च 2025 पर्यंत गुंतवणुकीसाठी उपलब्ध आहे.
अमृत वृष्टी योजना वि. नियमित एफडी
सध्या, सामान्य ग्राहकांसाठी SBI च्या नियमित FD योजनांचे दर कालावधीनुसार 3.50% ते 6.50% प्रतिवर्ष आहेत. या कालावधीत ज्येष्ठ नागरिकांना अतिरिक्त 0.50% व्याज मिळते, जे प्रति वर्ष 7.50% पर्यंत वाढते. तर अमृत वृष्टी मुदत ठेव व्याज दर सामान्य ग्राहकांना 7.25% वार्षिक दर आणि ज्येष्ठ नागरिकांना 7.75% वार्षिक दर देते.
advertisement
उदाहरणार्थ, या योजनेअंतर्गत 444 दिवसांसाठी (अंदाजे 1.2 वर्षे) 1 लाख रुपये गुंतवून अंतिम रक्कम 1,09 लाख होते. ज्यामध्ये 9,133.54 रुपये व्याजाचा समावेश होतो. याशिवाय, ज्येष्ठ नागरिकांसाठी रक्कम 1,09,787.04 रुपये होते, ज्यामध्ये 9,787.04 रुपये व्याज समाविष्ट आहे.
advertisement
त्यामुळे ज्यांना स्टँडर्ड एफडीपेक्षा जास्त परतावा हवा आहे त्यांच्यासाठी ही योजना एक चांगला पर्याय आहे.
अमृत वृष्टी स्कीम्सचे प्रमुख मुद्दे -
- यासाठी किमान 1000 रुपये जमा करावे लागतील. खरंतर, गुंतवणुकीवर कोणतीही उच्च लिमिट नाही.
- घरगुती आणि अनिवासी भारतीय ग्राहक यामध्ये गुंतवणूक करू शकतात, जर किरकोळ ठेव 3 कोटी रुपयांपेक्षा कमी असेल.
- गुंतवणुकीच्या कालावधीत दरमहा, 3 महिने किंवा 6 व्याज दिले जाईल.
advertisement
कर्ज सुविधा
या योजनेअंतर्गत, ग्राहकांना एफडी न मोडता डिपॉझिटवर कर्ज मिळू शकते.
योजनेत गुंतवणूक कशी करावी?
-SBI शाखा.
- मोबाइल बँकिंग ॲप (YONO SBI आणि YONO Lite).
- एसबीआय इंटरनेट बँकिंग.
योजनेत गुंतवणूक करावी का?
अमृत वृष्टी योजना SBI च्या नियमित FD पेक्षा जास्त रिटर्न देते, ज्यांना कमी वेळेत जास्त बचत करायची आहे त्यांच्यासाठी हा एक चांगला ऑप्शन आहे. या कालावधीत ज्येष्ठ नागरिकांना 7.75% व्याजदरासह अधिक लाभ मिळू शकतात.
advertisement
टॅक्स नियम
या योजनेंतर्गत मुदत ठेवींवर मिळणारे व्याज हे ठेवीदाराच्या आयकर स्लॅबवर आधारित स्रोतावरील टॅक्स कपात (TDS) च्या अधीन आहे.
Location :
Mumbai,Maharashtra
First Published :
Dec 28, 2024 5:06 PM IST
