या योजनेवर सध्या 7.4 टक्के व्याजदर दिला जातो. विशेष म्हणजे यामध्ये टीडीएस कपात होत नाही. त्यामुळे आपलं संपूर्ण उत्पन्न आपल्याकडेच राहतं. भारतीय टपाल विभागाच्या इतर बचत योजनांप्रमाणे या योजनेलाही सरकारचा पाठिंबा आहे. त्यामुळे गुंतवणूकदारांना अतिरिक्त संरक्षण मिळतं.

एक हजार रुपयांपासून या योजनेतील गुंतवणूक सुरू केली जाऊ शकते. एका खात्यात जास्तीत जास्त नऊ लाख रुपये आणि संयुक्त खात्यात 15 लाख रुपयांपर्यंत गुंतवणूक केली जाऊ शकते. एका खात्यात नऊ लाख रुपये गुंतवल्यास सध्याच्या 7.4 टक्के व्याजदरानुसार दरमहा 5,500 रुपये उत्पन्न मिळेल. ही रक्कम पुढील पाच वर्षांसाठी नियमितपणे मिळेल. जर तुमच्याकडे निवृत्तीनंतर नियमित उत्पन्नाची कोणतीही सोय नसेल तर तुम्ही पोस्टाच्या या योजनेत एकरकमी गुंतवणूक करून स्वतःसाठी नियमित आर्थिक उत्पन्नाची व्यवस्था करू शकता.