या दोन बड्या कंपन्यांच्या शेअर्समध्ये घसरण, त्यामागचं कारण काय? जाणून घ्या

भारतीय शेअर बाजारांत आज सलग तिसऱ्या दिवशी मोठी तेजी पाहायला मिळाली. सेन्सेक्स सुमारे 900 अंकांनी वाढून 80,914 अंकांवर गेला. गेल्या तीन दिवसांत त्यात 1700 अंकांची म्हणजेच दोन टक्क्यांहून अधिक तेजी आली आहे; मात्र आज दोन महत्त्वाच्या कंपन्यांच्या शेअर्समध्ये घसरण पाहायला मिळाली आहे. या कंपन्या म्हणजे वरुण बेव्हरेजेस आणि आयटीसी लिमिटेड. वरुण बेव्हरेजेस ही पेप्सी या कंपनीची सर्वांत मोठी बॉटलिंग पार्टनर कंपनी आहे. तसंच, आयटीसी लिमिटेड ही सिगारेट बनावणारी मोठी कंपनी आहे. सिगारेटचं उत्पादन करणाऱ्या आणखीही काही कंपन्यांच्या शेअर्समध्ये घसरण झाली आहे. या घसरणीला एक बातमी कारणीभूत आहे.