Stocks आणि Mutual SIP कोणती चांगली? काय आहेत फरक? तज्ज्ञांनी दिली महत्त्वाची माहिती

कोल्हापूर : गेल्या काही वर्षांपासून शेअर मार्केटमध्ये गुंतवणुकीचे वाढलेले प्रमाण आणि त्याबद्दलच्या वाढलेल्या जागरूकतेमुळे  गुंतवणूकदारांकडून म्युच्युअल फंड आणि शेअर मार्केटमध्ये मोठ्या प्रमाणात पैसे गुंतवले जाताहेत. यामुळं एसआयपीकडे कित्येक लोकांची पाऊल वळताना दिसत आहेत. असाच म्युचुअल फंडातील एसआयपी सोबतच स्टॉक एसआयपी मध्येही बरेच लोक गुंतवणूक करताना दिसत आहेत. मग हा मुद्दा उभा राहतो की म्युचुअल फंडमधील एसआयपी चांगली की स्टॉक एसआयपीमधील गुंतवणूक फायदेशीर ठरेल. या संदर्भात आपण गुंतवणूक सल्लागार रुचीर थत्ते यांच्याशी सविस्तर संवाद साधणार आहोत.

म्युचल फंडमध्ये आपण जेव्हा एसआयपी करतो तेव्हा त्या फंडामध्ये आपण दर महिन्याला गुंतवणूक करतो आणि तो म्युच्युअल फंड आणि जी स्कीम आपण निवडली असेल त्यानुसार इक्विटी डेब्ट मार्केट, बोंड मार्केट अशा पद्धतीच्या पर्यायांमध्ये गुंतवणूक करतो. तर स्टॉक एसआयपीमध्ये आपण ठराविक शेअरमध्ये दर महिन्याला ठराविक रक्कम गुंतवतो आणि त्यामुळं त्याचा लॉन्ग टर्ममध्ये एक पोर्टफोलिओ तयार होतो.