Share Market Prediction: शेअर बाजारात 12-13 ऑगस्टला मोठी उलथापालथ, सेबी-नोंदणीकृत Expertने दिला धक्कादायक अलर्ट; प्रत्येक मिनिटाची भविष्यवाणी

Published by:Jaykrishna Nair

Last Updated:Aug 11, 2025 4:42 PM IST

Stock Market: भारतीय शेअर बाजार सलग सहाव्या आठवड्यात घसरला असून गुंतवणूकदारांमध्ये चिंता वाढली आहे. सेबी-नोंदणीकृत विश्लेषक हरशुभ महेश शाह यांनी 12-13 ऑगस्टला बाजारात मोठी हालचाल होण्याचा अचूक वेळेसह इशारा दिला आहे.

इम्पॅक्ट शॉटतुमचा गेटवे लेटेस्ट न्यूज

Translate

मुंबई: गेल्या अनेक आठवड्यांपासून भारतीय शेअर बाजार सतत दबावाखाली आहे आणि गुंतवणूकदारांच्या अपेक्षांवर पाणी फेरले जात आहे. 8 ऑगस्ट 2025 रोजी संपलेल्या आठवड्यात निफ्टी 50 जवळपास 0.8 टक्क्यांनी घसरून सलग सहाव्या आठवड्यात नकारात्मक क्षेत्रात बंद झाला. या काळात परदेशी संस्थागत गुंतवणूकदारांनी (FIIs) विक्री सुरू ठेवली आणि सुमारे 15,951 कोटी रुपयांचे शेअर्स विकले. इतका मोठा cash outflow बाजाराच्या भावनेवर थेट परिणाम करतो आणि त्याचा परिणाम निर्देशांकांमध्ये स्पष्टपणे दिसून आला आहे.

इकोनॉमिक्स टाइम्समध्ये स्तंभलेखन करणारे हरशुभ महेश शाह यांनी आगामी 12 ऑगस्ट म्हणजेच उद्यासाठी एक मोठी भविष्यवाणी केली आहे. हरशुभ शाह हे वेल्थव्ह्यू अॅनालिटिक्स प्रायव्हेट लिमिटेडचे संचालक आणि सेबी-नोंदणीकृत विश्लेषक आहेत. त्यांनी 7 किंवा 8 तारखेबद्दलही मोठी भविष्यवाणी केली होती, जी जवळजवळ खरी ठरली. 8 ऑगस्ट रोजी निफ्टीमध्ये 232 अंकांची मोठी घसरण झाली आणि 7 ऑगस्ट रोजीही दिवसभर मोठे चढ-उतार दिसून आले.

हे परिणाम दर्शवितात की, वेळ-आधारित विश्लेषण (Time Clusters) किती अचूकपणे कार्य करते. या तंत्रात दिवसाच्या वेगवेगळ्या वेळेचा अभ्यास करून बाजारात कधी ट्रेंड बदलण्याची शक्यता आहे हे शोधले जाते. म्हणजेच बाजार कधी वरून खाली किंवा खालून वर येऊ शकतो, असे विशिष्ट टाइम इंटरव्हल हे तंत्र तुम्हाला दाखवते.

गेल्या आठवड्यात दररोज काही अशा वेळा होत्या जेव्हा बाजारात दिशा बदलण्यासारख्या महत्त्वाच्या हालचाली झाल्या. सोमवारी 9:20 वाजताची वेळ महत्त्वाची होती आणि जवळपास 9:45 वाजता दिवसाचा नीचांक (Low) बनला. मंगळवारी 10:10 आणि 2:35 च्या सुमारास नीचांक नोंदवला गेला. बुधवारी 9:20 वाजता दिवसाचा उच्चांक (High) बनला, 10:30 वाजता नीचांक आणि 12:15 वाजता पुन्हा उच्चांक, तर 2:30 च्या सुमारास पुन्हा नीचांक बनला. गुरुवारी 9:30 वाजता उच्चांक आणि 11:00 वाजता नीचांक पाहायला मिळाला. शुक्रवारी 9:20 वाजता उच्चांक, 10:45 वाजता नीचांक आणि 1:00 वाजता उच्चांक बनला. हे टाइम स्लॉट इंट्राडे ट्रेडिंग करणाऱ्यांसाठी खास होते.

12 ऑगस्टची तारीख आणि निफ्टीसाठी सपोर्ट झोन

आता सर्वांचे लक्ष पुढील आठवड्यावर आहे. ज्यात 12 ऑगस्ट ही सर्वात महत्त्वाची तारीख मानली जात आहे. तज्ञांचे म्हणणे आहे की, या तारखेच्या आसपास (1 दिवस वर-खाली) बाजारात मोठी हालचाल होऊ शकते. यामुळे बाजारात तेजी किंवा मंदी दोन्ही प्रकारे आश्चर्यकारक बदल होऊ शकतात. त्यामुळे गुंतवणूकदार आणि व्यापाऱ्यांनी सावध राहणे आवश्यक आहे. तांत्रिकदृष्ट्या निफ्टीसाठी 24331, 24143, 23875, 23320 आणि 22868 चे स्तर मजबूत सपोर्ट झोन असू शकतात तर 24380, 24450, 24540, 24650, 24808 आणि 24850 हे रेजिस्टेंस झोन म्हणून काम करतील.

इंट्राडे ट्रेडिंग करणाऱ्यांसाठीही पुढील आठवड्यासाठी टाइम स्लॉट निश्चित करण्यात आले आहेत ज्यावर विशेष लक्ष ठेवले जाऊ शकते.

11 ऑगस्ट रोजी 9:20, 10:45, 12:25 आणि 2:50 वाजता

12 ऑगस्ट रोजी 11:000 आणि 1:30 वाजता

13 ऑगस्ट रोजी 12:30 आणि 1:30 वाजता

14 ऑगस्ट रोजी 9:20, 10:20 आणि 1:55 वाजता बाजारात मोठी हालचाल किंवा उलटापालट होण्याची शक्यता आहे.

या आठवड्यात फक्त चार ट्रेडिंग सत्रे असतील ज्यामुळे व्हॉल्यूम आणि अस्थिरता (volatility) या दोन्हीवर परिणाम दिसू शकतो. अशा परिस्थितीत 12 ऑगस्टच्या (1 दिवस वर-खाली) वेळेला विशेष गांभीर्याने घेतले पाहिजे. योग्य नियोजन, वेळेचे भान आणि जोखीम व्यवस्थापनासह ट्रेडिंग केल्यास चढ-उताराच्या वातावरणातही चांगला नफा कमावण्याची शक्यता टिकून राहते.

view comments

Location :

Mumbai,Maharashtra

First Published :

Aug 11, 2025 4:42 PM IST

Share Market Prediction: शेअर बाजारात 12-13 ऑगस्टला मोठी उलथापालथ, सेबी-नोंदणीकृत Expertने दिला धक्कादायक अलर्ट; प्रत्येक मिनिटाची भविष्यवाणी