Success Story : अपघातात हात-पाय निकामी, डिप्रेशनवर आलं पण जिद्द नाही सोडली, सुजय यांनी उभी केली 20 कोटींची कंपनी

पुणे : प्रबळ इच्छाशक्ती आणि जिद्द या शब्दांमध्ये जग पालटण्याची ताकद असते. पुण्यातील सुजय पाचंगे यांनी हेच सिद्ध करून दाखवलं आहे. सुजय यांचा अवघ्या वयाच्या 21 व्या वर्षी अपघात झाला, या अपघातामध्ये त्यांचे दोन्ही हात आणि पाय निकामी झाले आणि त्यांना व्हीलचेअरचा आधार घ्यावा लागला. जवळपास 4 ते 5 वर्षे सुजय यांनी डिप्रेशनचा सामना केला. मात्र आयुष्यात काहीतरी करून दाखविण्याच्या जिद्दीने त्यांना हार मानू दिली नाही. इच्छाशक्तीच्या जोरावर व्हीलचेअरवर असलेल्या, फक्त बोलता येत असलेल्या सुजय पाचंगे यांनी 20 कोटींची कंपनी उभी केली. त्यांच्या या प्रेरणादायी प्रवासाबद्दल त्यांनी लोकल 18 ला माहिती दिली.