Success Story : खाकीचं स्वप्न हुकलं, पण जिद्दीने मैदान मारलं, तरुणानं उभारला पाणीपुरी व्यवसाय, महिन्याला 80000 कमाई

सुशीलचे वडील लहानपणीच वारल्याने कुटुंबाची सर्व जबाबदारी त्याच्या आईवर आली. आईचे कष्ट पाहून सुशीलने 12 वी नंतर शिक्षण थांबवले आणि कुटुंबाला हातभार लावण्यास सुरुवात केली. घराची परिस्थिती सुधारण्यासाठी त्याला पोलीस दलात भरती व्हायचे होते, मात्र नशिबाने साथ दिली नाही. केवळ उंची कमी पडल्याने खाकी वर्दी घालण्याचे त्याचे स्वप्न अपूर्ण राहिले.

सुरुवातीला छोटा वाटणारा हा व्यवसाय आज चांगलाच बहरला आहे. सुशील आणि यश या मामा-भाच्याची जोडी अत्यंत कष्टाने आणि आनंदाने हा गाडा चालवतात. चविष्ट आणि वेगवेगळ्या फ्लेवर्सच्या पाणीपुरीमुळे ग्राहकांची त्यांना मोठी पसंती मिळत आहे. या व्यवसायातून ते आज महिन्याला 80 हजार रुपयांपर्यंत उत्पन्न घेत आहेत. तरुणांसमोर रोजगाराचा प्रश्न उभा असताना, सुशील आणि यशने स्वतःचा मार्ग शोधून काढला आहे. कुठलेही काम लहान नसते हेच या मामा-भाच्याच्या जोडीने आपल्या कर्तृत्वातून सिद्ध करून दाखवले आहे.