Budget 2025: 1 फेब्रुवारीपासून सोने महागणार का? बजेटमध्ये होऊ शकते विशेष घोषणा, आत्ताच खरेदी करायचे की नाही?

मागील अर्थसंकल्पात सरकारने महागाईच्या काळात किंमती स्थिर ठेवण्यासाठी आणि पुरवठा सुरळीत ठेवण्यासाठी सोन्यावर कस्टम ड्युटी कमी केली होती. मात्र, त्यामुळे खप वाढल्याने व्यापार तूट (ट्रेड डेफिसिट) वाढल्याची चिंता निर्माण झाली. यामुळे तज्ज्ञांच्या मते, सरकार या तूट थांबवण्यासाठी अर्थसंकल्पात सोन्यावर कस्टम ड्युटी वाढवण्याची घोषणा करू शकते.

जर सरकारने सोन्यावर कस्टम ड्युटी वाढवली तर सोनं अधिक महाग होईल. त्यामुळे तज्ज्ञांनी असा सल्ला दिला आहे की, एक फेब्रुवारीपूर्वी सोनं खरेदी करणे योग्य ठरेल. मात्र, जर कस्टम ड्युटी वाढवली गेली नाही, तर सोन्याच्या किमतींमध्ये फारशी मोठी वाढ होणार नाही.