मुंबई: अनेक सेलिब्रिटींसह क्रिकेटर्स आणि दिग्गज राजकारण्यांचे प्रभादेवीतील सिद्धिविनायक गणपती श्रद्धास्थान आहे. या आराध्य दैवत असलेल्या मंदिरामध्ये दररोज लाखो भाविक दर्शनासाठी येत असतात. याच मंदिरातील एका कर्मचाऱ्याने मंदिरातील दानपेटीवर डल्ला मारला आहे. त्याने थेट मंदिराच्या दानपेटीवरच हात साफ केला आहे. सिद्धिविनायक मंदिरातील कर्मचाऱ्याने दानपेटीतून पैसे चोरल्याचा प्रकार शुक्रवारी उघडकीस आले आहे. त्यानंतर दादर पोलिसांनी गुन्हा दाखल करत आरोपीला अटक केली.