BMC च्या पहिल्या यादीत ठाकरेंचा मराठीचा ठसा तर भाजपचं अमराठींना प्राधान्य,आकडेवारी पाहून बसेल धक्का

मुंबई :  मुंबई महापालिका निवडणुकीत्या उमेदवारांचा सस्पेन्स अखेर संपू लागला आहे. . प्राण कंठाशी आणून वाट पाहाणाऱ्या इच्छुकांच्या हाती उमेदवारी अर्ज पडू लागलेत. राजकीय पक्षांच्या या याद्या म्हणजे मतपेढ्या मजबूत करण्याची कसरत आहेत हे स्पष्ट होतंय. उद्धव ठाकरेंनी त्यांच्या 75 उमेदवारांची पहिली यादी जाहीर केलीय. दुसरीकडे भाजपनंही 66 उमेदवार मैदानात उतरवलेत मुंबईचा महापौर मराठीच असणार हे ठाकरे आणि महायुतीनं ठासून सांगितलंय. त्यासाठी त्यांची जोरदार तयारीही सुरू झालीय. परिणामी मुंबई महापालिकेच्या निवडणुकीत आता रंग भरायला सुरूवात झालीय. दुसरीकडे मराठी महापौर करण्यासाठी राजकीय पक्षांना व्होट बँकेवर भर दिल्याचं स्पष्ट होतंय. कारण व्होट बँक जपली तरच विजयाचा मार्ग सोपा होणार आहे, हे ठाकरेंची शिवसेना आणि भाजप उमेदवारांची यादी पाहिल्यावर लक्षात येतं.