तुमच्या जिल्ह्यात कुणाला उमेदवारी? भाजपची जिल्हानिहाय उमेदवारांची संपूर्ण यादी

मुंबई : भारतीय जनता पक्षाची विधानसभा निवडणुकीची पहिली उमेदवारी यादी रविवारी जाहीर करण्यात आली आहे. अपेक्षेप्रमाणे जिथे भाजपचे विद्यमान आमदार आहेत, तिथल्या जागा भाजपने जाहीर केलेल्या आहेत. ज्याचा आमदार त्याची जागा हे सूत्र ठरलेले महायुतीत ठरले असल्याने काही अपवाद वगळता विद्यमान आमदारांना तिकीटे देण्यात आलेली आहे. देवेंद्र फडणवीस, चंद्रशेखर बावनकुळे, चंद्रकांत पाटील, गिरीश महाजन, आशिष शेलार, सुधीर मुनगंटीवार, राधाकृष्ण विखे पाटील, विजयकुमार गावित, सुरेश खाडे, जयकुमार रावल, अतुल सावे, राम शिंदे आदी नेत्यांना त्यांच्यात्यांच्या परंपरागत मतदारसंघातून तिकीटे देण्यात आलेली आहेत. विशेष गोष्ट म्हणजे अशोक चव्हाण यांची लेक श्रीजया चव्हाण यांना भोकरमधून उमेदवारी देण्यात आलेली आहे.