मध्य रेल्वेवरचा प्रवास होणार आणखी गारेगार, 14 नव्या AC लोकल धावणार, पाहा वेळापत्रक

मुंबई : उन्हाळ्यात प्रवाशांचा प्रवास अधिक सुखद करण्यासाठी मध्य रेल्वेने एप्रिलपासून मध्य मार्गावर 16 नवीन वातानुकूलित (AC) लोकल सेवा सुरू करण्याचा निर्णय घेतला आहे. याच्या नवीन वेळापत्रकाची घोषणा रविवारी करण्यात आली. या 14 नव्या गाड्यांमुळे सध्या अस्तित्वात असलेल्या काही नॉन-एसी लोकल्सची जागा घेण्यात येईल. यामुळे एकूण एसी लोकल्सची संख्या 66 वरून 80 होईल, अशी माहिती मध्य रेल्वेचे मुख्य प्रवक्ते स्वप्निल निला यांनी दिली.