Mumbai Local : आता मुंबईची लोकल लेट होणार नाही, रेल्वे प्रशासनाचा खास प्लॅन, या गाड्यांसाठी नवे नियम

मध्य रेल्वेवरील वेळापत्रकाचा मुख्य नुसकान हे सकाळच्या वेळेत ऑफिसला जाणाऱ्या प्रवाशांना भोगावे लागते. या सर्व कारणांमुळे वाशांच्या आक्रमक भूमिकेनंतर अखेर मध्य रेल्वे प्रशासन सतर्क झाले असून लोकल सेवेतील विलंब कमी करण्यासाठी तातडीचे उपाय राबवण्यास सुरुवात केली आहे.

सकाळच्या 'पीक अवर्स'दरम्यान उत्तर भारतातून मुंबईकडे येणाऱ्या मेल आणि एक्सप्रेस गाड्यांचा उपनगरी रेल्वे मार्गावर प्रवेश तात्पुरता रोखण्यात येत आहे. या लांब पल्ल्याच्या गाड्यांना मुंबईच्या उपनगरात प्रवेश देण्याऐवजी टिटवाळा, आसनगाव, कसारा आदी स्थानकांवर थांबवून ठेवले जात आहे. लोकल गाड्यांचे वेळापत्रक सुरळीत करण्यासाठी हा नवा प्रयोग राबवला जात असल्याचे रेल्वे प्रशासनाकडून स्पष्ट करण्यात आले आहे.