Weather Alert: महाराष्ट्रातील हवामानात मोठे बदल, कल्याण-डोंबिवलीला पुन्हा अलर्ट

महाराष्ट्रातील हवामानात सातत्याने बदल होत आहेत. फेब्रुवारीच्या सुरुवातीलाच घोंघावणारं अवकाळी संकट आता टळलं आहे. मात्र, हवामानात पुन्हा विचित्र बदल जाणवत आहेत. सकाळी गारठा कायम असून दुपारी उन्हाचा चटका वाढला आहे. मुंबई-ठाणेकरांना देखील हवामानातील बदलांचा सामना करावा लागत आहे. आज, 4 फेब्रुवारी रोजी कल्याण-डोंबिवलीत हवामान कसं राहील? जाणून घेऊ.

कल्याण तालुक्यात हवामान प्रामुख्याने उष्ण आणि कोरडे राहील. पुढील काही दिवस वातावरण स्थिर असल्याने कमाल तापमान 36 अंश, तर किमान तापमानात घट होऊन 22 अंश सेल्सिअस राहील. बदलत्या हवामानामुळे दुपारी उन्हाचे चटके जाणवू शकतात.

डोंबिवली शहरात मंगळवारपेक्षा आज कडक ऊन आणि उष्ण हवामान असेल. कमाल तापमान 30 अंश सेल्सिअस, तर किमान 21 अंश सेल्सिअस राहील. दिवसा तापमानात वाढ झाल्यामुळे उष्णतेचा कडाका जाणवेल आणि रात्री सुखद हवामान अनुभवायला मिळेल.

कल्याण-डोंबिवली ग्रामीण भागातील हवामान कोरडे, स्वच्छ आणि उबदार राहण्याची शक्यता आहे. किमान तापमान 21 अंश सेल्सिअस तर कमाल 34 अंश सेल्सिअस राहील. हवेत दमटपणा कमी असल्याने दिवसा उन्हाची तीव्रता अधिक असेल.

बदलापूरमध्ये हवामान अंशतः ढगाळ ते स्वच्छ राहण्याची शक्यता आहे. किमान तापमान 18 अंश सेल्सिअस तर कमाल 29 अंश सेल्सिअस राहील. दिवसभर ऊन-सावलीचे वातावरण असेल, तर रात्रीच्या वेळी हवेत हलका गारवा राहील. शहापूर आणि मुरबाड तालुक्यातील हवामान पुढील काही दिवस स्थिर असून, सकाळ-संध्याकाळ हलकी थंडी जाणवू शकते. कमाल तापमान 32 अंश सेल्सिअस तर किमान तापमान 19 अंशावर राहील. बदलत्या हवामानामुळे नागरिकांना आरोग्याची काळजी घ्यावी लागेल.