महाराष्ट्रातील एकमेव अंध गोविंदा पथकाने लावला दहीहंडीचा थर; असा रंगला थरार

मुंबई, 7 सप्टेंबर : गोविंदा रे गोपाळाच्या जयघोषात देशभर दहीहंडीचा जल्लोष मोठ्या उत्साहात सुरू झाला आहे. मुंबईतही आज दहीहंडीचा सण मोठ्या उत्साहात साजरा होत आहे. मुंबईत अनेक ठिकाणी दहीहंडीचे आयोजन करण्यात आले आहे. दरवर्षीप्रमाणे यंदाही दादरमध्ये आयडियल बुक डेपो येथे दहीहंडीचे आयोजन करण्यात आले आहे. ज्याची ओळख सेलिब्रिटी दहीहंडी अशी देखील आहे. या ठिकाणी आज सकाळपासूनच गोविंदा पथकांनी दहीहंडी सलामी देण्यासाठी गर्दी केल्याचे चित्र पाहायला मिळते आहे. त्याचाच आज नयन फाउंडेशन या अंध मुलांसाठी काम करणाऱ्या संस्थेने मुलं आणि मुलींच्या दहीहंडीचा थर लावला.