Shocking News : नवी मुंबई हादरली! एका चुकीच्या निर्णयाने हिरावली पोटची लेक; परिसरात खळबळ

मिळालेल्या माहितीनुसार,प्रचिती भुवड (वय 21) असे मृत तरुणीचे नाव असून ती वाशी परिसरात राहत होती. प्रकृती अस्वस्थ झाल्याने तिच्या कुटुंबीयांनी कमी खर्चात उपचार मिळतील या विश्वासाने संदेश पाष्टे (वय 30) याच्याकडे संपर्क केला. संदेश हा अंधेरी येथील एका खासगी नर्सिंग होममध्ये ब्रदर म्हणून काम करत होता. मात्र वैद्यकीय पदवी नसतानाही त्याने स्वतःला डॉक्टर असल्याचे भासवले.

या घटनेनंतर कुटुंबीयांनी संशय व्यक्त करत पोलिसांकडे तक्रार दाखल केली. चौकशीत संदेश पाष्टे याच्याकडे डॉक्टर म्हणून उपचार करण्याचा कोणताही अधिकृत परवाना नसल्याचे स्पष्ट झाले. पोलिसांनी आरोपीविरोधात फसवणूक तसेच निष्काळजीपणामुळे मृत्यू झाल्याप्रकरणी गुन्हा दाखल केला आहे. या प्रकरणामुळे भोंदू डॉक्टरांचा धोका पुन्हा एकदा समोर आला असून नागरिकांनी सतर्क राहण्याचे आवाहन पोलिसांनी केले आहे