Mumbai: वडापावचा स्टॉल लावण्यावरून रक्तरंजित थरार, गोराईच्या पगोड्याजवळ तरुणाचा निर्घृण खून

विजय वंजारा, प्रतिनिधी मुंबई: मुंबईच्या गोराई येथील प्रसिद्ध पर्यटन ठिकाण 'पगोडा' जवळ एका तरुणाची निर्घृण हत्या केल्याची घटना उघडकीस आली आहे. एका वृद्ध दाम्पत्यासह त्यांच्या नातेवाईकांनी तरुणावर कोयत्याने वार केला. हा हल्ला इतका भयंकर होता की तरुणाचा जागीच मृत्यू झाला. वडापावचा स्टॉल लावण्यावरून झालेल्या वादातून ही हत्या झाल्याची माहिती समोर आली आहे.