कोकणातील भराडी देवी यात्रेसाठी रेल्वेचं गिफ्ट, घेतला मोठा निर्णय, भाविकांना होणार फायदा

21 फेब्रुवारी रोजी गाडी क्र. 01129 ही विशेष रेल्वे एलटीटीहून रात्री 12.55 वाजता सुटेल आणि सावंतवाडी रोड इथं ती दुपारी 12 वाजता पोहोचणार आहे. तर गाडी क्र. 01130 विशेष रेल्वे सावंतवाडी रोडहून 21 फेब्रुवारी - रोजी सायंकाळी 6 वाजता सुटून मुंबईत एलटीटीला सकाळी 6.10 वाजता पोहोचेल. 19 डब्यांची ही गाडी ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, बोरत्नागिरी, आडवली, विलावडे, राजापूर रोड, वैभववाडी रोड कणकवली, सिंधुदुर्ग आणि कुडाळ या स्थानकांवर थांबेल.

आंगणेवाडी यात्रेसाठी 22 फेब्रुवारी रोजी गाडी क्र. 01131 एलटीटी येथून रात्री 12.55 वाजता सुटणार असून, ती सावंतवाडी रोडला दुपारी 12 वाजता पोहोचेल. तर गाडी क्र. 01132 ही सावंतवाडी रोडवरून 22 फेब्रुवारी रोजी सायंकाळी 6 वाजता सुटणार असून ती एलटीटीला सकाळी 6.10 वाजता पोहोचेल. 22 डब्यांची ही गाडी ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, आडवली, विलावडे, राजापूर रोड, वैभववाडी रोड, कणकवली, सिंधुदुर्ग आणि कुडाळ या स्थानकांवर थांबणार आहे.

दरम्यान, आंगणेवाडीच्या भराडी देवीची यात्रा कॅलेंडर किंवा तिथीनुसार ठरत नाही. तर देवीला कौल लावून ठरवली जाते. त्यानुसार यंदा 22 फेब्रुवारी रोजी ही यात्रा ठरली आहे. त्यामुळे देश-विदेशातील चाकरमान्यांची पाऊले या काळात आंगणेवाडीकडे वळतात. दरवर्षी भराडी देवीच्या दर्शनासाठी सुमारे 5 ते 7 लाख भाविक येत असतात. त्याच पार्श्वभूमीवर कोकण रेल्वेने तयारी केली आहे.