Mumbai: त्याच्या मेंदूचा चेंदामेंदा झाला, पण एकही मदतीला पुढे आला नाही, मुंबईतलं संतापजनक दृश्य

मुंबई : मुंबईच्या रस्त्यावर सध्या वाहतुकीची समस्या दिवसेंदिवस किचकट बनत चालली आहे. एकीकडे बेशिस्त वाहतूक आणि दुसरीकडे नियमांचं उल्लंघन करणारे दुचाकीस्वार यामुळे मुंबईत ठिकठिकाणी अपघाताच्या घटना घडत आहे. अशातच मुंबईतून एक धक्कादायक घटना समोर आली आहे. दहिसरमध्ये एका स्कुटरस्वाराला अज्ञात वाहनाने चिरडलं. या स्कुटरस्वाराच्या डोक्यावरूनच गाडीचं चाक गेलं, त्यामुळे त्याचा जागेवरच मृत्यू झाला. संतापजनक म्हणजे, या व्यक्तीचा मृतदेह रस्त्यावर पडला होता, अन् कुणीही समोर येऊन मृतदेहावर कापड टाकू शकलं नाही. हेल्मेट वापरा, असा सल्ला देणारे व्हिडीओ बनवले जात आहे.

मिळालेल्या माहितीनुसार,  मुंबईतील दहिसर पूर्व परिसरात दुपारच्या सुमारास ही घटना घडली आहे.  स्कूटरवरून जात असलेला एक व्यक्ती अचानक नियंत्रण सुटल्यामुळे रस्त्यावर पडला. पण, त्याचवेळी मागून येणाऱ्या ट्रकच्या चाकाखाली सापडून त्याचा दुर्दैवी मृत्यू झाला.

अधिक माहिती अशी की,, दहिसर पूर्व येथील चौकीजवळ ही घटना घडली. एक व्यक्ती स्कूटरवरून जात असताना अचानक तोल जाऊन रस्त्यावर पडला. त्याचवेळी मागून येणाऱ्या भरधाव ट्रकचं टायर त्या स्कुटरस्वाराच्या डोक्यावरून गेल्याने त्याचा जागीच मृत्यू झाला. या व्यक्तीची ओळख अद्याप पटली नाही.