Thane-CSMT Flyover : वाहतूक कोंडीचा विळखा सुटणार; ठाणे-मुंबई मार्गासाठी मास्टर प्लॅन तयार

शीव उड्डाणपूल परिसरातही अशीच परिस्थिती आहे. सकाळी आणि संध्याकाळी गर्दीच्या वेळेत येथे मोठ्या प्रमाणात वाहतूक कोंडी होते. त्यामुळे शीव उड्डाणपुलाला समांतर नवीन उड्डाणपूल बांधण्याचा निर्णय घेण्यात आला आहे. हा पूल उभारण्यात आल्यास ठाण्याहून सीएसएमटी परिसरात जाणाऱ्या वाहनांना थेट आणि सोपा मार्ग उपलब्ध होणार आहे. यामुळे प्रवासाचा वेळ कमी होईल आणि वाहतूक कोंडीही बऱ्याच प्रमाणात कमी होण्यास मदत होईल.

सध्या शीव उड्डाणपुलावर एकूण तीन मार्गिका आहेत. त्यापैकी दोन मार्गिका ठाणे आणि पूर्व उपनगरांच्या दिशेने जाणाऱ्या वाहनांसाठी आहेत तर एक मार्गिका दक्षिण मुंबईतील सीएसएमटीकडे जाणाऱ्या वाहनांसाठी वापरली जाते. मात्र वाढत्या वाहनसंख्येमुळे हा पूल अपुरा पडत असल्याचे दिसून येत आहे. त्यामुळे समांतर पूल उभारण्याचा पर्याय पुढे आला आहे.