Marathi : 'तुम मराठी लोग गंदा...', घाटकोपरमध्ये पुन्हा मराठी-गुजराती वाद पेटला

या घटनेची माहिती समजताच मनसैनिकांनी या सोसायटीमध्ये धडक दिली. यावेळी त्यांनी सोसायटीतील सदस्यांना इशारा दिला. या सोसायटीमध्ये चार मराठी कुटुंब आहेत. पण, त्यांना यापुढे त्रास दिला तर त्यांच्यासाठी 4000 लोक धावून येतील असेही त्यांनी म्हटले. मनसैनिक सोसायटीमध्ये पोहचले तेव्हा मराठी कुटुंबांचा अपमान करणारे शाह आणि इतर जण समोर आले नाहीत. तर, इतर रहिवाशांनी वाद मिटवण्याचा प्रयत्न केला. मनसेचे राजू पार्टे यांनी पोस्ट शेअर करत घाटकोपरमधील वादाची पोस्ट शेअऱ केली आहे.

ह्या घाटकोपर मध्ये आम्ही मराठी माणसासाठी रोज रोज किती भांडायचं, असा प्रश्न त्यांनी केला. तुम मराठी लोग गंदा है. तुम मच्छी मटण खाते हो. पुर्ण सोसायटी गुजराती फक्त 4 जण मराठी. रोजचा ह्यांचा त्रास मराठी माणसाला खालच्या दर्जाची भाषा वापरून रोजचा अपमान करतात असे त्यांनी पोस्टमध्ये म्हटले.