19 वर्षानंतर 'फास' सुटला, मुंबई लोकल साखळी बॉम्बस्फोटात कोर्टाकडून निर्दोष सुटका, Video कॉलवर आरोपी भावुक, काय म्हणाले?

Mumbai Bomb Blast : 11 जुलै 2006 रोजी मुंबईच्या पश्चिम रेल्वे नेटवर्कवरील लोकल ट्रेनमध्ये वेगवेगळ्या ठिकाणी सात बॉम्ब स्फोट झाले होते, ज्यामुळे मुंबई शहर हादरले होते. या हल्ल्यात 180 हून अधिक निष्पाप लोकांना आपला जीव गमवावा लागला होता आणि अनेक जण जखमी झाले होते. या प्रकरणात दोषी ठरवण्यात आलेल्या 12 आरोपींना मुंबई उच्च न्यायालयाने निर्दोष मुक्त केले असून, अभियोजन पक्ष त्यांच्याविरोधात कोणताही गुन्हा सिद्ध करण्यात पूर्णपणे अपयशी ठरल्याचे न्यायालयाने नमूद केले. या हल्ल्याला 19 वर्षे पूर्ण झाल्यानंतर हा निकाल आला आहे, ज्यामध्ये 180 हून अधिक लोकांचा बळी गेला होता आणि अनेक जण जखमी झाले होते.