Mumbai Water Metro : मुंबईकरांसाठी गुड न्यूज! आता समुद्रातून धावणार मेट्रो?,नेमका प्लॅन काय?

मुंबई : मुंबईसह उपनगर परिसरातील वाहतुकीचा ताण दिवसेंदिवस वाढत आहे, त्यामुळे शहरात मेट्रोचे जाळे निर्माण करत असताना मुंबईकरांसाठी एक आनंदाची बातमी समोर आलेली आहे. आता वाहतूक कोंडीतून दिलासा मिळवण्यासाठी जलमेट्रो सुरू करण्याचा विचार सुरू आहे. ही सेवा थेट नवी मुंबई विमानतळापर्यंत सुरू करण्याची योजना गंभीरपणे आखली जात आहे. अशी माहिती मुख्यमंत्री यांच्या अतिरिक्त मुख्य सचिव आणि मुंबई मेट्रो रेल्वे कॉर्पोरेशनच्या व्यवस्थापकीय संचालक अश्विनी भिडे यांनी दिली.