बांगलादेशींचे मुंबई पोलिसांना 'ओपन चॅलेंज'; बॉर्डरवर लाच दिली अन् शहरत उभे केले नेटवर्क, मोठा कट उघड

राबियाने पोलिसांना दिलेल्या माहितीनुसार, ती मागील वर्षी राज्यभरातील सुमारे 1,600 बांगलादेशी नागरिकांसह विमानाने हद्दपार झाली होती. मात्र त्यानंतर तिने जंगलमार्गे सीमारेषा ओलांडून भारतात पुन्हा प्रवेश केला. गेली 25 वर्षे ती मिरा-भाईंदरमध्ये घरकाम करून राहत होती.

30 वर्षीय बिल्कीस बेगम सिर्मिया अख्तर हिला कफ परेड भागातून अटक करण्यात आली. तिलाही मुंबई गुन्हे शाखेने गेल्या वर्षी बांगलादेशात पाठवले होते. मात्र काही महिन्यांतच ती पुन्हा शहरात आल्याचे समोर आले.

गेल्या दोन वर्षांत राज्यभरात 1,237 बेकायदेशीर बांगलादेशी नागरिकांना ताब्यात घेण्यात आले आहे. 2025 मध्येच हजाराहून अधिक जणांना हद्दपार करण्यात आल्याची माहिती संयुक्त पोलिस आयुक्त (कायदा व सुव्यवस्था) सत्यनारायण चौधरी यांनी दिली. 93 पोलिस ठाण्यांना सातत्याने कारवाईचे आदेश देण्यात आले असून, 2026 मध्ये पकडलेल्या शेकडो जणांचीही लवकरच पुनर्हद्दपारी होणार आहे.