मुंबई-पुणे प्रवास सुसाट, घाटातील कोंडी सुटणार, ‘मिसिंग लिंक’ची डेडलाईन ठरली, वाहतूक कधी सुरू?

मुंबई : मुंबई–पुणे द्रुतगती मार्गावरील वाढती वाहतूक कोंडी, घाटातील धोकादायक वळणं आणि वारंवार होणारे अपघात यामुळे प्रवाशांचा प्रवास अनेकदा त्रासदायक ठरतो. अनेक वेळा किरकोळ अपघात किंवा तांत्रिक बिघाडामुळेही तासन्‌तास वाहतूक ठप्प होते आणि वाहनांच्या लांबच लांब रांगा लागतात. या सगळ्या समस्यांवर कायमस्वरूपी तोडगा म्हणून ‘मिसिंग लिंक’ प्रकल्पाकडे पाहिले जात आहे. आता लवकरच मिसिंग लिंकवरून वाहतूक सुरू होणार आहे.