मोबाईल टॉर्चमध्ये शस्त्रक्रिया, ‘ती’ चूक अन् डॉक्टरांवर 12 वर्षांनी गुन्हा, काय घडलं?

8 एप्रिल 2014 रोजी सलमानचा दुचाकी अपघात झाला. या अपघातात त्याच्या उजव्या मांडीचे हाड फ्रॅक्चर झाले होते. त्याला तातडीने गोवंडीतील रुग्णालयात दाखल करण्यात आले. साधी दुखापत असल्याने काही दिवसांत तो बरा होईल अशी कुटुंबाची अपेक्षा होती. मात्र शस्त्रक्रियेनंतर त्याची प्रकृती बिघडू लागली. पुढे त्याला दुसऱ्या रुग्णालयात हलवण्यात आले, पण 17 एप्रिल 2014 रोजी ‘सेप्टिसेमिया’मुळे त्याचा मृत्यू झाला. अधिकृत कागदपत्रांमध्ये मृत्यू नैसर्गिक दाखवण्यात आला, मात्र आईला याबाबत संशय होता.