नागपूर ते ठाणे आता नॉन-स्टॉप, भिवंडीतील विशेष मार्गिकेमुळे समृद्धी महामार्ग थेट मुंबईच्या वेशीवर; कसा असेल मार्ग?

सध्या समृद्धी महामार्गावरून अतिवेगाने येणाऱ्या वाहनांना आमणेहून वरळी, वांद्रे, अंधेरी किंवा दक्षिण मुंबईकडे जाण्यासाठी किमान दोन तासांचा जास्त वेळेचा प्रवास करावा लागतो. ही अडचण दूर करण्यासाठी राज्य सरकारने ठाणे जिल्ह्यात एक नवा आठ पदरी रस्ता उभारण्याचा महत्त्वपूर्ण निर्णय घेतला आहे.

हा प्रस्तावित आठ पदरी मार्ग मुंबई-वडोदरा महामार्ग, ठाणे सागरी किनारी मार्ग आणि समृद्धी महामार्ग यांना जोडणारा महत्त्वाचा दुवा ठरणार आहे. भविष्यात या मार्गावरून सागरी सेतू आणि कोस्टल रोडच्या माध्यमातून वाहनांना थेट दक्षिण मुंबईत प्रवेश मिळणार आहे. परिणामी सध्या आमणे ते दक्षिण मुंबईसाठी लागणारा दोन तासांचा प्रवास अवघ्या एका तासात पूर्ण होण्याची शक्यता आहे.