या दिवशी साजरा होतो National Cinema Day, फक्त 99 रुपयांत थिएटरमध्ये पाहू शकता कोणतेही चित्रपट 

मुंबई - अनेकांना चित्रपटगृहात जाऊन चित्रपट पाहायची आवड असते. मात्र, अनेकांना ते परवडत नाही. त्यामुळे अनेकजण नेहमी जाणे टाळतात. मात्र, तुम्हाला चित्रपटगृहात चित्रपट पाहणे आवडत असल्यास, आता तुम्ही कोणत्याही चित्रपटाचे तिकीट 99 रुपयांमध्ये मिळवू शकता.

पीव्हीआर असो किंवा सिनेपोलिस, याठिकाणी तुम्ही चित्रपटाचे तिकीट जे 300-400 रुपयांमध्ये घेत होता, ते आता 99 रुपयांमध्ये मिळेल. 20 सप्टेंबर रोजी राष्ट्रीय चित्रपट दिन साजरा केला जात आहे. त्यासाठी ही सुविधा दिली जाणार आहो. याचबाबत लोकल 18च्या टीमने सविस्तर माहिती जाणून घेतली. 

अनेकांना चित्रपट हा चित्रपट गृहामध्ये जाऊन पाहायला आवडते. थिएटरमध्ये जाऊन चित्रपट पाहण्याची मजाच काही वेगळी असते. तिथला आवाज तिथले वातावरण सगळेच भारावून टाकणारे असते. मात्र, या तिकिटांची किंमत कधी कधी खूप जास्त असते, जी प्रत्येकालाच परवडेल अशी नसते.

एमएआयने सांगितलं की, 20 सप्टेंबर रोजी दरवर्षीप्रमाणे 'राष्ट्रीय चित्रपट दिना' साजरा केला जाईल. पीव्हीआर,आयनॉक्स, सिनेपोलिस, मिराज, मूव्ही टाईम आणि डिलाइटसह इतर चित्रपटगृहे या कार्यक्रमासाठी 4,000 हून अधिक स्क्रीनवर चित्रपट दाखवण्यासाठी एकत्र आले आहेत. त्यामुळे उद्या पीव्हीआर असो किंवा सिनेपोलिस, याठिकाणी तुम्ही चित्रपटाचे तिकीट जे 300-400 रुपयांमध्ये घेत होता, ते आता 99 रुपयांमध्ये मिळेल.