नवी मुंबई आंतरराष्ट्रीय विमानतळ आजपासून सुरू, मुंबई एअरपोर्टवरून 23 विमानांचं टेकऑफ

विश्वनाथ सावंत, प्रतिनिधी नवी मुंबई: नवी मुंबई मुंबई महानगर क्षेत्राच्या शिरपेचात आज मानाचा आणखी एक तुरा रोवला गेला आहे. बहुप्रतीक्षित नवी मुंबई आंतरराष्ट्रीय विमानतळ आज, २५ डिसेंबरपासून अधिकृतपणे प्रवासी सेवेसाठी खुले झाले आहे. ख्रिसमसच्या मुहूर्तावर या विमानतळावरून पहिल्या प्रवाशांचे स्वागत करण्यात येणार असून, यामुळे मुंबईवरील हवाई वाहतुकीचा ताण मोठ्या प्रमाणात कमी होण्यास मदत होणार आहे.