Nitesh Rane On Sassoon Dock : ससून डॉक होणार हायटेक मासळी बाजार, नितेश राणेंनी रोडमॅपच सांगितला, हजारोंना होणार फायदा

मुंबई: मुंबईच्या ऐतिहासिक ससून डॉकचे आधुनिकीकरण करून त्याचे रूपांतर ‘मॉडेल डॉक’मध्ये करण्यात येणार असल्याची घोषणा राज्याचे मत्स्यव्यवसाय मंत्री नितेश राणे यांनी केली आहे. येथील पारंपरिक मच्छीमार व्यवसायाला आधुनिकतेची जोड देत अधिक सुरक्षित, स्वच्छ व कार्यक्षम प्रणाली निर्माण करण्याचा सरकारचा मानस आहे. आधुनिक जोड दिल्यामुळे आपल्या मच्छिमारांना देखील मोठा लाभ होताना पाहायला मिळणार आहे. त्यामुळे मत्स्यपालन खात्यात आधुनिकता येणे हे खूप गरजेच असल्याचं मत मंत्री नितेश राणे यांनी व्यक्त केलं.