पाणी जपून वापरा! वांद्रे पश्चिम आणि खारमध्ये 14 तास पाणीपुरवठा बंद, पाहा संपूर्ण लिस्ट

वांद्रे पश्चिम येथील पाली हिल जलाशयाच्या ९०० मिलिमीटर व्यासाच्या जलवाहिनीला गळती लागली आहे. या जलवाहिनीच्या दुरुस्तीचे काम महानगरपालिकेने मंगळवारी, १० फेब्रुवारी २०२६ रोजी करण्याचे निश्चित केले आहे. सकाळी १० वाजेपासून ते मध्यरात्री १२ वाजेपर्यंत, असे एकूण १४ तास हे काम चालणार आहे. या काळात H-West विभागातील अनेक भागांचा पाणीपुरवठा पूर्णपणे बंद राहणार असून काही भागात तो कमी दाबाने होईल.