Maharashtra Politics: महाविकास आघाडीमध्ये आवाज कुणाचा?

मिलिंद नार्वेकर उमेदवार नसते तर... या निवडणुकीत ठाकरेंच्या शिवसेनेकडून मिलिंद नार्वेकरांना उमेदवारी देण्याचा निर्णय योग्य ठरला आहे. नार्वेकर यांचे सर्वपक्षीयांशी असणारे संबंध त्यांच्या पथ्यावर पडले आहेत. पण, जर ठाकरेंनी या जागी दुसरा उमेदवार दिला असता तर त्याचा विजय होण अवघड होतं. तर ठाकरेंनी उमेदवार उभा केला नसता तर शेकापच्या जयंत पाटलांचा विजय निश्चित होता. एकंदरीतच याबाबत उद्धव ठाकरे आणि शरद पवारांमध्ये काही चर्चा झाली होती का? की ठाकरेंनी पवारांचा शब्द अंतिम असं न मानता उमेदवार दिला असे प्रश्न निर्माण होत आहे.

सांगली निवडणुकीतील प्रचिती: सांगली लोकसभेच्या वेळी देखील ठाकरेंनी राज्यातील काँग्रेस नेतृत्वाला अंधारात ठेवत चंद्रहार पाटलांची उमेदवारी जाहीर केली होती, त्यामुळे बराच कोलाहल महाविकास आघाडीमध्ये माजला होता. सरतेशेवटी ठाकरेंचे उमेदवार चंद्रहार पाटील यांच्या पराभवाने या संघर्षाची सांगता झाली. यामुळे एकंदरीतच महाविकास आघाडीमध्ये निर्णय प्रक्रियेचा कोणताही केंद्रबिंदू नाही का? असा सवाल निर्माण झाला आहे. शरद पवार आणि उद्धव ठाकरे अशी दुहेरी नेतृत्वाची कमान आणि काँग्रेसची गुलदस्त्यातील भूमिका अशी काहीशी स्थिती महाविकास आघाडीत आहे का? असा सवाल निर्माण झाला आहे. त्यामुळे महाविकास आघाडीमध्ये नेमका आवाज चालतोय कुणाचा? असा प्रश्न लोकांना पडला आहे.