Mumbai Crime : खाकीतल्या माणसानेच खाकीला लुटलं, मुंबईत रेल्वे पोलिसांचा धक्कादायक प्रकार

तक्रारदार योगेश अदाटे यांनी दिलेल्या माहितीनुसार आरोपी रेल्वे पोलीस रवींद्र दरेकर याने त्यांना परदेशातील गुंतवणुकीतून मोठा नफा मिळाल्याचे सांगितले. हाँगकाँगमधील गुंतवणुकीतून 550 कोटी रुपये मिळाले असून रिझर्व्ह बँकेच्या नियमांमुळे ती रक्कम अडकली असल्याचे त्याने सांगितले. ही रक्कम भारतात आणण्यासाठी कर आणि इतर शुल्क भरणे आवश्यक असल्याचे कारण देत त्याने अदाटे यांच्याकडून पैसे मागितले.

दुप्पट रक्कम परत मिळेल या विश्वासावर अदाटे यांनी जवळपास दीड वर्ष टप्प्याटप्प्याने एकूण 92.50 लाख रुपये आरोपीला दिले. मात्र, ठरल्याप्रमाणे पैसे परत न मिळाल्याने त्यांना संशय आला. शेवटी आपली फसवणूक झाल्याचे लक्षात येताच त्यांनी शिवाजी पार्क पोलीस ठाण्यात तक्रार दाखल केली.