Mumbai : वेस्टर्न एक्सप्रेस हायवे ते बीकेसी प्रवास होणार सुसाट,35 मिनिटांचा वेळ वाचणार; नेमका कधी होणार खुला?

सांताक्रूझ–चेंबूर लिंक रोड वरील बहुप्रतीक्षित कनेक्टर आर्मचे काम आता अंतिम टप्प्यात पोहोचले आहे. हा कनेक्टर वेस्टर्न एक्स्प्रेस महामार्ग आणि मुंबईतील प्रमुख व्यापारी केंद्र असलेल्या वांद्रे-कुर्ला संकुलाला थेट आणि जलद जोडण्यासाठी उभारण्यात येत आहे. हा प्रकल्प पूर्ण झाल्यानंतर मुंबईकरांना मोठा दिलासा मिळणार आहे.

हा कनेक्टर सुरू झाल्यानंतर कुर्ला, सांताक्रूझ, वांद्रे आणि आसपासच्या परिसरातील वाहतूक मोठ्या प्रमाणात सुरळीत होण्याची अपेक्षा आहे. दररोज बीकेसीत कामासाठी जाणाऱ्या हजारो वाहनचालकांचा प्रवास वेळ कमी होईल तसेच इंधनाचीही बचत होणार आहे. एकूणच सांताक्रूझ-चेंबूर लिंक रोडवरील हा कनेक्टर आर्म मुंबईच्या वाहतूक व्यवस्थेत महत्त्वाचा बदल घडवणारा ठरेल असा विश्वास व्यक्त केला जात आहे.