पत्नीच्या प्रेमात वेडा, भेटायला गेला अन् गेम झाला, कुख्यात आरोपीची फिल्मी स्टाइल अटक

मध्य प्रदेशातील, इंदोर पोलिसांनी सांगितले की, आशिष पालवर शहरातील विविध पोलिस ठाण्यांमध्ये दरोडा, चोरी, प्राणघातक हल्ला, धमक्या, खंडणी आणि धमकावणे अशा गंभीर गुन्ह्यांसाठी गुन्हे दाखल आहेत. तो लोकांना धमकावून पैसे उकळायचा. त्याच्याविरुद्ध तक्रार करणाऱ्यांना खोट्या प्रकरणांमध्ये अडकवण्याची किंवा त्यांची सार्वजनिकरित्या बदनामी करण्याची धमकी तो द्यायचा.आरोपीची पोलिस रेकॉर्डमध्ये कुख्यात गुन्हेगार म्हणून नोंद आहे. अटकेनंतर पोलिसांनी त्याचा मोबाईल फोन तपासला तेव्हा त्याला अनेक गुन्हेगारी व्हिडिओ आणि फोटो सापडले. या व्हिडिओंपैकी एका व्हिडिओमध्ये, आरोपीने बाथरूम वापरत असताना एका पुरूषाचे गुप्तपणे रेकॉर्डिंग केले होते. आरोपीने हे व्हिडिओ ब्लॅकमेलिंगसाठी वापरले असा पोलिसांचा विश्वास आहे.