Shubman Gill : गिलचं महारेकॉर्ड उद्या उद्ध्वस्त होणार! भारतीय ओपनर 62 रन काढून लिहिणार नवा इतिहास!

स्मृती मानधना श्रीलंकेविरुद्धच्या पहिल्या तीन टी-20b सामन्यांमध्ये चांगली कामगिरी करू शकली नाही, तिने अनुक्रमे 25, 14 आणि 1 रन केल्या. पण चौथ्या सामन्यात तिने शानदार कामगिरी करत 48 बॉलमध्ये 80 रन केल्या. 166.67 च्या स्ट्राईक रेटने खेळताना स्मृती मानधनाने 3 सिक्स आणि 11 फोर मारल्या.

स्मृती मानधनाने 2025 मध्ये 1703 रन केल्या आहेत, या वर्षी स्मृतीची आणखी एक मॅच शिल्लक आहे. यामुळे एका कॅलेंडर वर्षात (तिन्ही फॉरमॅटमध्ये) सर्वाधिक रन करणाऱ्या शुभमन गिलचा विक्रम स्मृतीला मागे टाकता येईल. गिल सध्या या वर्षी आंतरराष्ट्रीय क्रिकेटमध्ये सर्वाधिक रन करणारा बॅटर आहे, त्याने 35 सामन्यांमध्ये 42 डावात 1764 रन केल्या आहेत. यामध्ये 7 शतके आणि 3 अर्धशतकांचा समावेश आहे.

शुभमन गिल - 1764

शाई होप - 1760

जो रूट - 1613

ब्रायन जॉन - 1585

सलमान अली आगा - 1569

भारत महिला विरुद्ध श्रीलंका महिला पाचवा टी-20 सामना तिरुवनंतपुरम येथील ग्रीनफील्ड आंतरराष्ट्रीय स्टेडियमवर खेळला जाईल. सामना संध्याकाळी 7 वाजता सुरू होईल. 2025 च्या कॅलेंडर वर्षात शुभमन गिलचा सर्वाधिक आंतरराष्ट्रीय रनचा विक्रम मोडण्यासाठी स्मृती मानधनाला 62 रनची आवश्यकता आहे.

स्मृती मानधनाने भारतासाठी 7 कसोटी, 117 एकदिवसीय आणि 157 टी-२० सामने खेळले आहेत, या सामन्यांमध्ये तिने अनुक्रमे 629 5,322 आणि 4,102 रन केल्या आहेत. टी-20 सामन्यांमध्ये स्मृतीने एक शतक आणि 32 अर्धशतके केली आहेत.