पहिल्या मजल्यावर AC चा स्फोट, सेकंड फ्लोरवर आई-बापासह चिमुरडीचा हृदयद्रावक शेवट, श्वानही नाही वाचला

ज्या घरामध्ये एसीचा ब्लास्ट झाला, त्या महिलेने या संपूर्ण घटनेबद्दल माहिती दिली आहे. 'मी आपल्या मुलीसोबत राहते. रात्री 3 वाजून 10 मिनिटांनी आमच्या घरातल्या स्प्लिट एसीला आग लागली. मी सगळ्यांना झोपेतून उठवलं, आग विझवत असताना माझे हातही जळले', असं या महिलेने सांगितलं आहे. 'मी रात्री साडेतीन वाजण्याच्या सुमारास कपूर कुटुंबाशी बोलले. धूर खूप आहे, काही दिसत नाहीये. आम्ही बाहेर कसे येऊ, असं ते मला म्हणाले. मला त्यांचे ते शब्द सारखे आठवत आहेत', असं महिला म्हणाली आहे.

घटनेची माहिती मिळताच पोलीसही तिथे आले, तसंच त्यांनी मृतदेह ताब्यात घेतले आणि पोस्टमॉर्टमला पाठवले. सुरूवातीच्या तपासात आग लागण्याचं कारण एसीचा ब्लास्ट आणि शॉर्ट सर्किट असल्याचं सांगण्यात येत आहे, पण फॉरेन्सिक टीमच्या विस्तृत तपासानंतर कारण स्पष्ट होईल. इलेक्ट्रॉनिक वस्तूंचा उपयोग करताना सावधगिरी बाळगा, तसंच उपकरण खराब झाल्याचे संकेत मिळाले तर लगेचच त्याची दुरुस्ती करा, असं आवाहन यंत्रणांनी नागरिकांना केलं आहे.