म्हशीला पाणी देत ​​असताना पाय घसरला, पतीच्या मृत्यूनं कुटुंबावर दु:खाचा डोंगर, पण महिलेच्या जिद्दीला सलाम!

करौली : पतीच्या मृत्यूनंतर कुटुंबावर दु:खाचा डोंगर कोसळला होता. मात्र, महिलेने जिद्दीने पुन्हा आपल्या आयुष्याचा प्रवास सुरू केला आणि आज ही महिला मागील 26 वर्षांपासून आपल्या कुटुंबाचे पालनपोषन करत आहे. महिला दिनाच्या निमित्ताने जाणून घेऊयात या महिलेची प्रेरणादायी कहाणी.

केसंती बाई असे या महिलेचे नाव आहे. त्या NH – 11b महामार्गाच्या बाजूला आपले चहाचे दुकान चालवत आहेत. तसेच या माध्यमातून आपल्या कुटुंबीयांची उपजीविका भागवत आहेत. पोटात 7 महिन्यांचं बाळ असताना त्यांच्या पतीचे निधन झाले. मात्र, तरीही त्यांनी परिस्थितीशी लढताना हार मानली नाही आणि चार मुलांसाठी संघर्ष करत संकटांचा सामना केला.

केसंती बाई करौली यांनी मागील 3 वर्षांपूर्वी आपल्या चहाचे दुकाने सुरू केले. लोकल18 शी बोलताना त्यांनी सांगितले की, 26 वर्षांपूर्वी माझ्या पतीच्या निधनानंतर मला आणि माझ्या चार लहान मुलांना कोणीही आधार दिला नाही. आमच्या कुटुंबातील सदस्यांनीही आम्हाला सोडून दिले. त्यानंतर 25 वर्षांपूर्वी त्यांनी 20 रुपयांवर मजुरीचे काम करून चार मुलांचे पालनपोषण केले आणि मोलमजुरी करूनही जगणे शक्य नसताना त्यांनी वर्षानुवर्षे भाजीचा स्टॉलही चालवला. आता मुलांची लग्ने झाल्यावर केसंतीबाई चहाचे दुकान चालवून कुटुंबाचा उदरनिर्वाह करत आहेत.

पतीच्या निधनानंतर या महिलेच्या आयुष्यात एक दिवस असा प्रसंग आला की ती अचानक आजारी पडली. त्यावेळी ही महिला आणि तिची मुले तीन दिवस उपाशी होती. या महिलेला आपल्या चार मुलांचे संगोपन करण्यासाठी अनेक अडचणी आणि आव्हानांना सामोरे जावे लागले, असे त्यांनी सांगितले.