अयोध्येतून पंतप्रधान नरेंद्र मोदींसाठी मोठी भविष्यवाणी; राम मंदिराचे मुख्य पुजारी काय म्हणाले?

राम मंदिराचे मुख्य पुजारी आचार्य सत्येंद्र दास यांनी महत्त्वाची भविष्यवाणी करताना सांगितले की, देशात भारतीय जनता पक्षाचे पूर्ण बहुमताचे सरकार येईल आणि पंतप्रधान नरेंद्र मोदी हे तिसऱ्यांदा देशाचे पंतप्रधान होणार आहेत. दरम्यान, याआधीही त्यांनी सत्येंद्र दास यांनी पतंप्रधान नरेंद्र मोदी यांच्याबाबत भविष्यवाणी केली होती. विशेष म्हणजे त्या सर्व भविष्यवाणी खऱ्या सिद्ध झाल्या होत्या. यानंतर आता पुन्हा त्यांनी मोठी भविष्यवाणी केली आहे. आम्ही प्रभू श्रीरामाला ही प्रार्थना करतो देशात तिसऱ्यांदा पंतप्रधानपदी नरेंद्र मोदीच राहावेत, असे ते म्हणाले.

ते पुढे म्हणाले की, मी भविष्यवाणी केली आहे की, मोदी हे देशाचे तिसऱ्यांदा पंतप्रधान होतील. ही जी निवडणूक होत आहे, या निवडणुकीच्या संबंधात 4 तारखेला निर्णय होऊन जाईल आणि 4 तारखेला हेसुद्धा सिद्ध होईल की, मोदी तिसऱ्यांदा पंतप्रधान होतील. रामललाच्या भूमिपूजनानंतर स्वत: मोदीजी आले आणि त्यांच्याहस्ते प्राणप्रतिष्ठा झाली.