तिरुपतीच्या लाडूमध्ये जनावरांची चरबी कशी आली? कोण करतं तुपाचा पुरवठा? जाणून घ्या संपूर्ण प्रकरण

हैदराबाद : तिरुपती बालाजी मंदिरात प्रसाद म्हणून वाटप करण्यात येणाऱ्या लाडूसाठी वापरण्यात येत असलेल्या तुपात जनावरांची चरबी असल्याचं प्रकरण चांगलंच तापलं आहे. या प्रकरणी सुप्रीम कोर्टात याचिका दाखल करण्यात आली आहे. आंध्र प्रदेशचे मुख्यमंत्री व तेलुगू देसम पक्षाचे सर्वेसर्वा चंद्राबाबू नायडू यांनी तिरुपतीच्या प्रसादात जनावराची चरबी मिसळल्याचा आरोप 18 सप्टेंबर 2024 ला केला होता. आता मंदिर प्रशासन ज्या कंपनीकडून तूप घेत होते, त्या कंपनीला काळ्या यादीत टाकण्यात आलं असून या प्रकरणाची कसून चौकशी केली जात आहे.