Ind vs Pak :'ऑपरेशन सिंदूर'नंतर भारत आणखी एका स्ट्राइकच्या तयारीत, पाकिस्तानचं काय होणार?

भारताने पाकिस्तानविरोधात आंतरराष्ट्रीय स्तरावर दबाव वाढवण्याचे ठोस पाऊल उचलले आहे. संयुक्त राष्ट्रांच्या (यूएन) दहशतवादविरोधी समितीच्या आगामी बैठकीत भारताकडून जम्मू-कश्मीरमधील पहलगाम हल्ल्याचे ठोस पुरावे सादर केले जाणार आहेत. या हल्ल्यामध्ये पाकिस्तानस्थित दहशतवादी गटांचा थेट सहभाग असल्याचे भारताने आधीच स्पष्ट केले आहे.

भारताकडून आता पाकिस्तानच्या दहशतवादाला पाठिंबा देणाऱ्या भूमिकेचे आंतरराष्ट्रीय स्तरावर भांडाफोड करण्यात येणार आहे. पाकिस्तान अनेक वर्षांपासून दहशतवाद्यांना सुरक्षित आश्रय देत आहे. पहलगाममधील हल्ल्यात पाकिस्तानचा सहभाग असल्याचे भारताकडून सांगण्यात येणार असल्याचे सूत्रांनी सांगितले. भारताच्या ऑपरेशन सिंदूरनंतर पाकिस्तानने मगरीचे अश्रू ढाळत आपण पीडित असल्याचे दाखवण्यात आले. मात्र, पाकड्यांच्या दुटप्पी भूमिकेची पोलखोल करण्यात येणार आहे.