'I LOVE U...' कोडवर्ड की आणखी काही...गुंता उलगडणार? ज्योति मल्होत्राची ती डायरी पोलिसांच्या हाती

हेरगिरीच्या आरोपाखाली अटक करण्यात आलेली हरियाणाची युट्यूबर ज्योती मल्होत्रा ​​हिला पाकिस्तानी गुप्तचर संस्थांशी संबंधित व्यक्ती 'त्यांच्या संपर्कात' म्हणून तयार करत होत्या, असा आरोप आहे. रविवारी हरियाणाच्या एका वरिष्ठ पोलिस अधिकाऱ्याने ही माहिती दिली. हरियाणातील हिसार येथे पत्रकारांशी बोलताना अधिकाऱ्याने सांगितले की, २२ एप्रिल रोजी पहलगाम येथे झालेल्या दहशतवादी हल्ल्यानंतर भारत आणि पाकिस्तानमधील चार दिवसांच्या लष्करी संघर्षादरम्यान ज्योती मल्होत्रा ​​नवी दिल्लीतील पाकिस्तान उच्चायुक्तालयात तैनात असलेल्या एका पाकिस्तानी अधिकाऱ्याच्या संपर्कात होती. हिसारचे पोलिस अधीक्षक शशांक कुमार सावन म्हणाले की, मल्होत्राला लष्करी किंवा संरक्षण कारवायांशी संबंधित कोणत्याही माहितीवर थेट प्रवेश नव्हता, परंतु तो पाकिस्तानी गुप्तचर संस्थांशी संबंधित लोकांशी थेट संपर्कात होता.

हेरगिरी प्रकरणात भारतातून हकालपट्टी करण्यात आलेल्या पाक दूतावासातील अधिकारी दानिश याच्याशी संबंधित महत्वाची माहिती समोर आलीय. दानिश पाकिस्तानचा व्हिसा देण्यासाठी लाच घ्यायचा. यातील काही हिस्सा यामीन मोहम्मद आपल्याजवळ ठेवत होता. यातीलच काही पैसे हेरगिरीच्या आरोपात अटक केलेल्या गझालाला देण्यात आले होते.

न्यूज18 जवळ गझाला आणि यामीन मोहम्मदच्या पासपोर्टची एक्सक्लुसिव्ह माहितीसुद्धा आहे. गजालाच्या पासपोर्टवर पाकिस्तानचा व्हिसा दिसून येतोय. न्यूज18 जवळ पाकिस्तान दूतावासाचे अधिकारी दानिशचा मोबाईल नंबरही आहे. या नंबरचे शेवटचे चार डिजिट 8939 असून हा नंबर पाकिस्तानी हाय कमिशनच्या नावे रजिस्टर आहे. दानिश याच नंबरच्या माध्यमातून ज्योती, गजाला आणि यामिनशी व्हॉटसअॅप, स्नॅप चॅट आणि वॉईस कॉलच्या माध्यमातून संपर्कात असायचा.

ज्योती मल्होत्रा संदर्भात मोठी बातमी समोर आलीय..तपासादरम्यान ज्योती मल्होत्राची डायरी हाती लागली आहे. या डायरीमध्ये सविता नामक महिलेचा उल्लेख करण्यात आला आहे. मी लवकरच घरी परतणार असं ज्योतीने या डायरीमध्ये लिहिले होते. डायरीमध्ये काही औषधांचा उल्लेखही करण्यात आला आहे. तर शेवटी आय लव्ह यू असं ज्योतीने लिहून ठेवले होते. दरम्यान ही डायरी म्हणजे कुठले कोडवर्ड तर नाही असा संशय निर्माण झाला आहे.