वैष्णोदेवी यात्रेदरम्यान दरड कोसळून मोठी दुर्घटना, 30 भाविकांचा मृत्यू, IMD कडून हायअलर्ट
- Published by:Kranti Kanetkar
Last Updated:
उत्तर भारतात मुसळधार पावसामुळे वैष्णो देवी यात्रेच्या मार्गावर दरड कोसळली, 30 भाविकांचा मृत्यू, 23 जखमी. बचावकार्य युद्धपातळीवर सुरू, हेल्पलाइन सुरू.
उत्तर भारतामध्ये मुसळधार पावसानं धुमाकूळ घातला आहे. पावसामुळे हाहाकार माजला असताना वैष्णो देवी यात्रेच्या रुटदरम्यान मोठी दुर्घटना घडली. दरड कोसळल्यामुळे हा मार्ग बंद करण्यात आला. वैष्णो देवीची यात्रेदरम्यान दरड कोसळल्याने भीषण दुर्घटना घडली. मार्गाचं मोठं नुकसान झालं. याची माहिती मिळताच आपत्ती व्यवस्थापनचे लोक घटनास्थळी पोहोचले.
आतापर्यंत हाती आलेल्या माहितीनुसार या भीषण दुर्घटनेत आतापर्यंत 30 भाविकांचा मृत्यू झाला. 23 भाविक जखमी आहेत. सध्या बचावकार्य युद्धपातळीवर सुरू आहे. जखमींना जवळच्या रुग्णालयात उपचारासाठी दाखल करण्यात आलं आहे.
या घटनेची माहिती मिळताच भारतीय लष्कर, राष्ट्रीय आपत्ती प्रतिसाद दल (NDRF) आणि इतर बचाव पथके तातडीने घटनास्थळी पोहोचली आहेत. ढिगाऱ्याखाली अडकलेल्या लोकांना बाहेर काढण्याचे काम दिवस-रात्र सुरू आहे. अनेक सरकारी आणि निमसरकारी यंत्रणा या बचावकार्यात सहभागी आहेत.
advertisement
जम्मू आणि काश्मीर सरकारने या दुर्घटनेची गंभीर दखल घेतली असून, मदत आणि माहिती देण्यासाठी हेल्पलाइन डेस्क सुरू केला आहे. या हेल्पलाइन क्रमांकांवरून नागरिक आपल्या कुटुंबातील सदस्यांबद्दल माहिती मिळवू शकतात.
view comments
Location :
Jammu,Jammu,Jammu and Kashmir
First Published :
August 27, 2025 8:48 AM IST
मराठी बातम्या/देश/
वैष्णोदेवी यात्रेदरम्यान दरड कोसळून मोठी दुर्घटना, 30 भाविकांचा मृत्यू, IMD कडून हायअलर्ट
