'हे' मजूर दाम्पत्य असणार पंतप्रधानांचे खास पाहुणे, लाल किल्ल्यावरून आलं बोलावणं

शत्रुघ्न मांझी आणि कपिल देवी बिहारच्या जमुई जिल्ह्यातील इंदपै गावचे रहिवासी आहेत. मरकट्टा गावात बांधलेल्या अमृत सरोवरात दोघं मजूर म्हणून काम करायचे. माती वेचण्यापासून ते चहूबाजूंना झाडं लावण्यापर्यंत या सरोवरासाठी त्यांनी प्रचंड मेहनत घेतली. आजही दोघं भल्या पहाटे सरोवरावर जातात आणि त्या जागेची सफाई करतात. शिवाय गावा-गावात जाऊन केर काढतात. अनेक गावांची साफसफाई केल्यानंतरच ते शेतात जाऊन नेहमीप्रमाणे मजुरी करतात.

शत्रुघ्न आणि कपिल देवी यांना 5 मुलं आहेत. दोघं मिळून मुलांचं पालनपोषण करतात. मात्र वर्षभर त्यांना काम मिळतंच असं नाही. वर्षातून अनेकदा अशीही परिस्थिती निर्माण होते, जेव्हा त्यांच्याजवळ काही काम नसतं आणि त्यांच्या जेवणाचे हाल होतात. मात्र तरीही ते सन्मानाने कमवतात आणि सन्मानाने खातात. परंतु हातावर पोट असणाऱ्या या दाम्पत्याला पंतप्रधानांचे खास पाहुणे म्हणून बोलावणं ही विशेष बाब आहे. दोघंही सध्या स्वातंत्र्य दिवस उजाडण्याची आतुरतेने वाट पाहत आहेत.