अलास्का बैठकीनंतरची मोठी बातमी, पुतिन यांचा एक कॉल; जागतिक राजकारणात खळबळ, ट्रम्पच्या नेतृत्वाला झटका

पुतिन यांनी शुक्रवारी अलास्कामध्ये ट्रम्प यांच्यासोबत तीन तास चर्चा केली होती. मात्र या शिखर परिषदेतून युक्रेनमधील युद्धबंदीबाबत कोणताही तोडगा निघाला नाही. या युद्धामुळे हजारो लोक मरण पावले आहेत आणि युक्रेनमध्ये मोठ्या प्रमाणात विध्वंस झाला आहे.

पुतिन यांनी पंतप्रधान मोदींना फोन करण्यापूर्वी भारताच्या परराष्ट्र मंत्रालयाने एका निवेदनात सांगितले होते की- भारत अमेरिकेचे राष्ट्राध्यक्ष डोनाल्ड ट्रम्प आणि रशियाचे राष्ट्राध्यक्ष व्लादिमीर पुतिन यांच्यातील अलास्का येथील शिखर परिषदेचे स्वागत करतो. परराष्ट्र मंत्रालयाचे प्रवक्ते रणधीर जयस्वाल म्हणाले, शांततेच्या प्रयत्नांतील त्यांचे नेतृत्व अत्यंत प्रशंसनीय आहे. शिखर परिषदेत झालेल्या प्रगतीचे भारत कौतुक करतो. यावरील पुढील मार्ग केवळ संवाद आणि मुत्सद्देगिरीतूनच काढला जाऊ शकतो. जगाला युक्रेनमधील संघर्ष लवकर संपलेला पाहायचा आहे.