गोवा ट्रिपमध्ये ताबा सुटला, प्रायव्हेट Photo नी मोबाईल भरला, परत येताच महिलेने बॉसला रंग दाखवला!

रेकी थेरपीने उपचार करण्यासाठी अंकिताने त्याच्याकडे 1 लाख रुपये मागितले, जे तक्रारदाराने दिले. यानंतर अंकिताने त्याला गोव्याला जायची ऑफर दिली. नैसर्गिक वातावरणामुळे बरं व्हायला मदत होईल, असं अंकिताने त्याला सांगितलं.

गोव्यामध्ये अंकिताने त्याच्यासोबतची जवळीक वाढवली आणि तिने मोबाईलवर प्रायव्हेट फोटो काढले. हेच फोटो दाखवून अंकिताने त्याला धमकवायला सुरूवात केली. कामाचा करार संपल्यानंतर अंकिताने ब्लॅकमेल करायला सुरूवात केली. मी ज्या चित्रपट प्रकल्पात गुंतवणूक करत आहे, त्यात गुंतवणूक केली नाही, तर हे फोटो तुझ्या पत्नीला दाखवेन, अशी धमकी अंकिताने त्याला दिली.

गोव्यामधले प्रायव्हेट फोटो उघड होतील, या भीतीने त्याने फर्मच्या मालकाकडून 12.5 लाख रुपयांची व्यवस्था केली, पण तरीही अंकिताच्या मागण्या थांबल्या नाहीत. दबावाखाली तक्रारदाराने अंकिताला आणखी 3 लाख रुपये दिले. यानंतर अंकिताने थेट तक्रारदाराच्या पत्नीशी संपर्क साधला आणि तिला गोव्यातले फोटो आणि व्हिडिओ दाखवले. तसंच त्यांच्या वैयक्तिक आयुष्यातील वादात मदत करण्यासाठी 15 लाख रुपयांची मागणी केली. एवढे पैसे घेऊनही अंकिताने तक्रारदाराच्या जवळच्या व्यक्तींना हे फोटो आणि व्हिडिओ दाखवले.

वारंवारच्या धमक्यांनी त्रस्त झालेल्या तक्रारदाराने अखेर अहमदाबाद पोलिसांकडे धाव घेतली. यानंतर पोलिसांनी अंकिता आणि तिच्या सहकाऱ्याविरुद्ध फसवणूक, ब्लॅकमेल आणि खंडणीचा गुन्हा दाखल केला आहे. या ट्रॅपमध्ये आणखी कुणाचा सहभाग आहे का? याचा तपास पोलीस करत आहेत.