Maharashtra Elections Result MNS : EVM ने छोट्या पक्षांना संपवण्याचा डाव, राज ठाकरेंच्या शिलेदाराचा भाजपवर गंभीर आरोप
- Published by:Shrikant Bhosale
Last Updated:
Maharashtra Elections Results : महाविकास आघाडीतील काही नेत्यांनी ईव्हीएम शंका उपस्थित केली असताना आता मनसे नेत्यानेही प्रश्न उपस्थित केले आहे
विरेंद्रसिंह उत्पत, प्रतिनिधी, पंढरपूर : राज्यातील विधानसभा निवडणुकीत महायुतीची मोठी त्सुनामी आली. या त्सुनामीत महाविकास आघाडी वाहून गेली. तर इतर लहान पक्षांनाही फटका बसला. राज ठाकरे यांच्या महाराष्ट्र नवनिर्माण सेनेला एकही जागा जिंकता आली नाही. महाविकास आघाडीतील काही नेत्यांनी ईव्हीएम शंका उपस्थित केली असताना आता मनसे नेत्यानेही प्रश्न उपस्थित केले आहे. ईव्हीएम घोटाळा करून लहान पक्षांना संपवण्याचा भाजपचा डाव असल्याचा आरोप मनसे नेते दिलीप धोत्रे यांनी केला.
भारतीय जनता पार्टीने ईव्हीएम घोटाळा करून छोट्या पक्षांना संपवण्याचा घाट घातला असल्याचा आरोप मनसे नेते दिलीप धोत्रे यांनी पंढरपूर येथील पत्रकार परिषदेत केला आहे. पंढरपूर मंगळवेढा मतदारसंघात दिलीप धोत्रे हे मनसेचे उमेदवार होते. दोन महिन्यांपूर्वी राज्यातील पहिली मनसेची उमेदवारी त्यांना जाहीर झाली होती. उमेदवारी जाहीर झाल्यानंतर तीन महिने त्यांनी मतदार संघात जोरदार प्रचार केला होता. निवडणुकी दरम्यान दिलीप धोत्रे यांना अनेक समाज घटकांनी पाठिंबा दिला होता. मात्र दिलीप धोत्रे यांना अपेक्षेपेक्षा खूपच कमी मते मिळाल्याने यामध्ये काहीतरी घोळ असल्याचा संशय दिलीप धोत्रे यांनी व्यक्त केला आहे.
advertisement
मतमोजणीच्या दिवशी त्यांनी निवडणूक निर्णय अधिकारी यांच्याकडे ईव्हीएम मशीन मधील स्लीपची मोजणी करण्यात यावी असा तक्रारी अर्ज केला होता. मात्र, निवडणूक निर्णय अधिकाऱ्यांनी अवघ्या काही मिनिटांतच त्यांचा अर्ज फेटाळला. राज्यभरातही असे अनेक प्रकार दिसून आल्याने ईव्हीएम विरोधात सर्वोच्च न्यायालयात मनसे नेते दिलीप धोत्रे याचिका दाखल करणार आहेत. ईव्हीएम मध्ये घोटाळा असल्याच्या मतावर ते ठाम आहेत.
Location :
Pandharpur,Solapur,Maharashtra
First Published :
November 24, 2024 3:39 PM IST
मराठी बातम्या/ बातम्या/बातम्या/Maharashtra Assembly Elections/
Maharashtra Elections Result MNS : EVM ने छोट्या पक्षांना संपवण्याचा डाव, राज ठाकरेंच्या शिलेदाराचा भाजपवर गंभीर आरोप


